بنگلور۔ یکم مئی (سیاست ڈاٹ کام ) لیگ اسپنرشریاس گوپال (12 رن پرتین وکٹ) کی شاندارہیٹ ٹرک کے باوجود راجستھان رائلس کی بارش سے متاثرہ آئی پی ایل میچ میں رائل چیلنجرس بنگلور کے خلاف امیدیں ٹوٹ گئیں۔ میچ بارش کی وجہ سے منسوخ رہا اوردونوں ٹیموں کوایک ایک نشان ملا۔ بنگلورنے مقررہ پانچ اووروں میں سات وکٹ پر62 رن بنائے جبکہ راجستھان نے 3.2 اوور میں ایک وکٹ پر41 رن بنائے تھے کہ پھر تیزبارش آ جانے کی وجہ سے میچ منسوخ کرنا پڑا۔ راجستھان کے13 میچوں سے 11 نشانات ہو گئے ہیں اورٹیم پلے آف کی دوڑسے تقریبا باہرہوگئی ہے۔ اس سے قبل لیگ اسپنرشریاس گوپال کی شاندارہیٹ ٹرک کی بدولت راجستھان رائلس نے بارش سے میچ میں رائل چیلنجرس بنگلورکومقررہ پانچ اووروں میں سات وکٹ پر 62 رن پر روک دیا۔ راجستھان رائلس کے اس بولر نے رائل چیلنجرس بنگلورکے وراٹ کوہلی، اے بی ڈی ویلیئرس اوراسٹوئنس کو آوٹ کرکے تین اہم وکٹ حاصل کئے۔
لیٹویا کو پہلے ہی راؤنڈ میں شکست
میونخ،رباط ۔ یکم مئی (سیاست ڈاٹ کام ) چیک جمہوریہ میں جاری پراگ اوپن کے پہلے راؤنڈ میں نمبر دو سیڈ لیٹویا کی اناستاسیا سیواسٹووا کا سفر ختم ہو گیا جن کو روس کی اناستاسیا پوٹاپووا نے 6-2،6-3 اور 6-2 سے مات دی جبکہ نمبر پانچ سیڈ امریکہ کی ڈینیئل کالنز اور نمبر سات سیڈ سلواکیہ کی وکٹوریہ کزمووا بھی ناکام رہیں تاہم روس کی سویتلانا کزنیٹسووا، نٹالیا وخلیانٹسیوا،جرمنی کی اینڈریا لوٹنر،تمارا کورپاش،امریکہ کی برنارڈا پیرا،جینیفر براڈی، جیسیکا پیگولا،چیک جمہوریہ کی کیٹرینا سینیاکووا، چیک ری پبلک کی باربورا اسٹرائیکووا، لکسمبرگ کی مینڈی مینیلا، سلواکیہ کی جانا سیپیلووا اور اینا کیرولینا شمڈلووا بھی پہلا مرحلہ پارکرگئیں۔