گلبرگہ 17 اپریل (راست) ڈاکٹر انیس صدیقی معتمد انجمن کی اطلاع کے بموجب انجمن ترقی اُردو گلبرگہ کے زیراہتمام بہ اشتراک کرناٹک اُردو اکیڈیمی بنگلور محفل مزاح و لطیفہ گوئی بروز اتوار بتاریخ 18 اپریل 2015 ء بوقت صبح 11 بجے بمقام خواجہ بندہ نواز ایوان اُردو انجمن کامپلکس گلبرگہ منعقد ہوگی۔ ڈاکٹر وہاب عندلیب کی زیرصدارت منعقد شدنی اس محفل کا افتتاح ڈاکٹر فوزیہ چودھری صدرنشین کرناٹک اُردو اکیڈیمی بنگلور انجام دیں گی۔ جناب فیاض احمد فیض (ممبئی)، جناب عباس متقی (حیدرآباد) ، ڈاکٹر حلیمہ فردوس (بنگلور) ، جناب رؤف خوشتر (بیجاپور) ، ڈاکٹر فرزانہ فرح (بھٹکل)، جناب مختار احمد منو (گلبرگہ) اور جناب منظور وقار (گلبرگہ) مزاحیہ مضامین پیش کریں گے۔ بین ریاستی مشاعرہ بروز اتوار 19 اپریل بوقت 8 بجے شب بمقام ایس ایم پنڈت رنگ مندر منعقد ہوگا۔ ڈاکٹر قمرالاسلام وزیر برائے میونسپل اڈمنسٹریشن و پبلک انٹرپرائزس، وقف و اقلیتی بہبود حکومت کرناٹک افتتاح کریں گے۔ جناب اقبال احمد سرڈگی ایم ایل سی اور ڈاکٹر فوزیہ چودھری صدرنشین کرناٹک اُردو اکیڈیمی مہمانان خصوصی کی حیثیت سے شریک رہیں گی۔ پروفیسر حمید سہروردی صدر انجمن افتتاحی اجلاس کی صدارت کریں گے۔ اس موقع پر مسٹر بھیم ریڈی پاٹل میئر سٹی کارپوریشن گلبرگہ، جناب محمد اصغر صدر گلبرگہ ڈیولپمنٹ اتھاریٹی کلبرگی، جناب واحد علی فاتحہ خوانی رکن سنڈیکیٹ گلبرگہ یونیورسٹی کی تہنیت کی جائے گی۔ جناب شاداب بے دھڑک کی صدارت میں منعقد شدنی مشاعرہ میں جناب فرید سحر (حیدرآباد)، جناب وحید پاشاہ قادری (حیدرآباد)، جناب سراج شولاپوری (شولاپور)، جناب سردار اثر (حیدرآباد)، جناب اقبال شانہ (بودھن) ، جناب تمیز احمد پرواز (ناندیڑ)، جناب شیخ احمد ضیا (بودھن)، جناب شاہد عدیلی (حیدرآباد)، جناب اعظم اثر (شاہ پور)، جناب حامد سلیم (بیدر) ، ڈاکٹر وحید انجم (گلبرگہ) ، ڈاکٹر حشمت فاتحہ خوانی (بیدر) اپنا کلام پیش کریں گے۔ جناب سردار اثر اس مشاعرہ کی نظامت کریں گے۔
