لاہور۔21 ڈسمبر (سیاست ڈاٹ کام ) پرتھ ٹسٹ میں ہندوستانی کپتان ویراٹ کوہلی اور آسٹریلیائی قائد ٹم پین میں تلخ کلامی کے بعد سے کوہلی پر تنقید کا سلسلہ شروع ہو گیا جس میں ماہرین اور سابق کھلاڑی سب ہی شامل ہیں لیکن اس دوران پاکستانی سابق فاسٹ بولر شعیب اختر ہندوستانی کپتان کوہلی کی حمایت میں سامنے آگئے ہیں۔ سماجی رابطے کے ویب سائٹ ٹوئٹر سے پیغام جاری کرتے ہوئے انہوں نے کہا کہ ویراٹ کوہلی دور جدید کے عظیم کھلاڑیوں میں سے ایک ہیں ، کوہلی کے رویے پرتبصرہ کرنے والوں کو تھوڑی گنجائش نکالنی چاہئے۔ انہوں نے کہا کہ کھیل کے میدان میں جارحانہ رویہ کرکٹ کا حصہ ہوتا ہے، خاص طور سے جب میچ آسٹریلیا یا نیو زی لینڈ کے ساتھ ہو۔ واضح رہے حال ہی میں ہندوستان کے سینئر اداکار نصیرالدین شاہ نے کوہلی کو بدترین رویے والا کھلاڑی‘ قرار دیا تھا۔ جبکہ آسٹریلیائی فاسٹ بولر مچل جانسن نے بھی کوہلی کو بے ادب اور بے وقوف قرار دے دیا۔واضح رہے کہ پرتھ ٹسٹ میں کوہلی اور ٹم کے درمیان تلخ لمحات کو دونوں کپتانوں نے پش پس پشت ڈال دیا ہے۔
