لیڈز۔19جولائی (سیاست ڈاٹ کام) انگلینڈ کیخلاف تیسرے ونڈے میچ میں ہندوستانی کپتان ویراٹ کوہلی عادل رشید کی گیند پر بولڈ ہوئے اورگیند حیران کن طور پر ٹرن ہوکر وکٹوں میں آگھسی ۔ کوہلی بولڈ ہونے کے بعد کافی دیر تک حیران ہوکر پچ کو دیکھتے رہے جہاں سے گیند گھومی تھی۔ عادل رشید کی اس گیندکو بال آف دی سنچری قرار دیاگیاہے اور اس کو موازنہ گزشتہ صدی میں آسٹریلیائی لیگ اسپنر شین وارن کی بال آف دی سنچری سے کیا جارہاہے۔عادل رشید کی گیند کی رفتار51 میل فی گھنٹہ تھی اورکوہلی پہلی مرتبہ کسی لیگ اسپنر کی گیند پر بولڈ ہوئے ہیں۔
