نئی دہلی۔ 7 اکتوبر (سیاست ڈاٹ کام ) کپتان وراٹ کوہلی نے ہندوستانی کرکٹ کنٹرول بورڈ (بی سی سی آئی) سے غیر ملکی دوروں پر بیوی کو ساتھ لے جانے کی اجازت مانگی ہے تاہم اس پر ابھی تک کوئی فیصلہ نہیں کیا گیا ہے ۔ہندستان کے پچھلے دورہ انگلینڈ میں شروع میچوں کے دوران وراٹ کی بیوی انوشکا شرما کے ساتھ ہونے کو لے کر تنازعہ ہوا تھا اور بی سی سی آئی کو صفائی تک دینی پڑ گئی تھی۔ وراٹ نے بی سی سی آئی سے کہا ہے کہ غیر ملکی دوروں پر پورے وقت بیوی کو ساتھ رکھنے کی اجازت دی جائے ۔بی سی سی آئی کا انتظام و انصرام کر رہی منتظمین کی کمیٹی سي اواے نے بتایا ہے کہ وراٹ نے یہ اپیل کی ہے لیکن اس پر ابھی کچھ طے نہیں کیا گیا ہے ۔ سي اواے نے کہاکہ وراٹ نے ایسی درخواست کی ہے ۔ لیکن ہم نے حال فی الحال اس پر کوئی فیصلہ نہیں لیا ہے ۔ ہم یہ معاملہ کمیٹی کے نئے حکام کے سپرد کر رہے ہیں۔قابل ذکر ہے کہ انگلینڈ کے دورے پر جب ٹیم انڈیا لندن میں واقع ہندستانی ہائی کمیشن کے کھانے میں گئی تھی، تو انوشکا بھی پوری ٹیم کے ساتھ نظر آئی تھیں۔ اس کے ساتھ ہی وہ ٹیم کے ساتھ ایک تصویر میں بھی کھڑی نظر آئی تھیں۔ اس کیس کے طول پکڑنے پر بی سی سی آئی کو صفائی دینی پڑی تھی۔
