بلاوائیو۔24جولائی(سیاست ڈاٹ کام)پاکستان نے زمبابوے کے خلاف ونڈے سیریز میں کلین سویپ مکمل کرنے کیساتھ ہی ہندوستان کا ایک اور ریکارڈ توڑ ڈالا۔پاکستان نے زمبابو ے کیخلا ف وائٹ واش مکمل کرکے ہندوستان کو اس فہرست میں پیچھے چھوڑتے ہوئے ونڈے کرکٹ میں زیادہ 7مرتبہ مخالف ٹیم کو کلین سویپ کرنے والی ٹیم بننے کا اعزاز اپنے نام کرلیا ہے۔ہندوستان نے 6،جنوبی افریقہ نے 5، ویسٹ انڈیز ، سری لنکا اور آسٹریلیا نے فی کس4 ،انگلینڈ ،نیوزی لینڈ اور بنگلہ دیش نے2 جبکہ زمبابوے نے ایک مرتبہ پانچ میچز کی سیریز میں حریف ٹیم کوکلین سویپ کررکھا ہے۔پاکستان نے اس سے قبل 2002میں زمبابوے کو زمبابوے میں ،2003میں نیوزی لینڈ اور بنگلہ دیش، 2008میں بنگلہ دیش اور زمبابوے کوہوم سیریز،2017میں سری لنکا کے خلاف متحدہ عرب امارت میں وائٹ واش کیا۔پاکستان کسی ایک ٹیم کیخلاف تین مرتبہ ونڈے کرکٹ میں وائٹ واش کرنے والی پہلی ٹیم بھی بن گئی ہے۔پاکستان اب ونڈ ے کرکٹ میں تین یا اس سے زائد میچز کی سیریز میں سب سے زیادہ20مرتبہ مخالف ٹیم کو کلین سویپ کرنے والی ٹیم بھی بن گئی ہے۔
