حیدرآباد ۔ /30 ڈسمبر (سیاست نیوز) حیات نگر علاقے میں پیش آئے ایک سڑک حادثہ میں غیرمجاز طور پر پارک کی ہوئی ڈی سی ایم ویان کو ٹکرانے کے نتیجہ میں ریٹائرڈ بینک ملازم اور اس کی بیوی برسرموقع ہلاک ہوگئے ۔ تفصیلات کے بموجب 65 سالہ ایم ناگاملیشور راؤ کی بیوی ایم اندرا آج شام 4 بجے اپنے مکان واقع لیکچررس کالونی حیات نگر سے اننیا ریسورٹس جارہے تھے کہ غیرمجاز طور پر ڈی سی ایم ویان کو پارک کیا گیا تھا اور جس کے نتیجہ میں مذکورہ ریٹائرڈ بینک ملازم نے اس گاڑی کو ٹکر دیدی ۔ اس حادثہ میں ناگاملیشور راؤ اور اس کی بیوی دونوں شدید طور پر زخمی ہوگئے تھے اور دواخانہ کو منتقلی کے دوران دونوں ہلاک ہوگئے ۔
