لاہور ، 25 جولائی (سیاست ڈاٹ کام) پاکستان کرکٹ ٹیم چمپینس ٹروفی میں کوالیفائی ہوجانے کے بعد پی سی بی نے نیشنل ٹیم کا دورۂ زمبابوے منسوخ کرنے کا اعلان کردیا ہے۔ ذرائع کا کہنا ہے کہ پی سی بی کی جانب سے دورہ کی منسوخی پر زمبابوے نے بھی رضا مندی ظاہر کردی اور دونوں ممالک میں اتفاق کیا گیا ہے کہ پاکستانی ٹیم موزوں وقت پر زمبابوے کا دورہ کرے گی۔ قبل ازیں پاکستان کا رواں سال اگست میں زمبابوے کا دورہ طئے ہوا تھا؛ یہ اب کسی مناسب وقت پر ہوگا۔
