نئی دہلی ۔9 اگسٹ (سیاست ڈاٹ کام ) بی سی سی آئی کی جانب سے ایشیا کپ کے شیڈول پر اعتراضات پھر کئے گئے ہیں اور اس کے پروگرام پر دوبارہ نظر ثانی کرنے کا مطالبہ کیا جا رہا ہے۔تفصیلات کے مطابق بورڈ کے ایک اہم اجلاس میں ایشیا کپ کے شیڈول کو تنقید کا نشانہ بنایا گیا۔ بورڈ کے بموجب پاکستانی ٹیم کے ساتھ اس کا مقابلہ 19 ستمبر کو دوبئی میں ہے جس سے قبل پاکستانی ٹیم کو دو دن کے آرام کا موقع مل رہا ہے لیکن اس کے برعکس ہندوستانی ٹیم کو مسلسل دو دن دو میچز کھیلنا ہے۔ بورڈ کا مطالبہ ہے کہ ہندوستانی کھلاڑیوں کو بھی میچ سے قبل آرام کا موقع دیا جانا چاہیئے تاکہ وہ بھی میچ میں تازہ دم ہو کر حصہ لے سکیں۔یاد رہے کہ ایشیا کپ کا آغاز15 ستمبر کو دبئی میں ہو رہا ہے جس میں پاکستان ، بنگلہ دیش ، سری لنکا اور ہندوستان کی ٹیمیں شریک ہو رہی ہیں۔یاد رہے کہ ہندوستانی ٹیم کے یکے بعد دیگرے دودونوں میں پاکستان کے خلاف مقابلے بشمول دومقابلوں میں شرکت پر ایک نئی بحث چل رہی جس پر ویریندرسہواگ نے ٹیم کو ٹورنمنٹ میں شرکت نہ کرنے کا مشورہ دیا ہے۔
