لاہور ۔ 27جنوری۔(سیاست ڈاٹ کام) آئی سی سی کی عالمی جنگ میں ماہرین سمیت شائقین کو پاکستانی ٹیم سے کافی امیدیں وابستہ ہیں لیکن ماہرین کے مطابق فیلڈنگ کے شعبے میں پاکستانیٹیم ناتجربہ کار ہے۔ ماہرین کرکٹ کے مطابق ورلڈ کپ میں پاکستانی ٹیم کیلئے سب سے سنگین مسئلہ ناقص فیلڈنگ کا ہو سکتا ہے۔ ناتجربہ کار کھلاڑیوں کیلئے میگا ایونٹ میں آسٹریلیا اور نیوزی لینڈ کی تیز وکٹیں مشکل نشانہ ثابت ہو سکتی ہیں۔ فاسٹ بولنگ کا شعبہ سنبھالنے والے تمام بولر پہلی بار ورلڈ کپ میں ٹیم کی نمائندگی کرینگے جن میں محمد عرفان، جنید خان، احسان عادل شامل ہیں۔ محمد عرفان 31 ایک روزہ میچوں میں 29.51 کی اوسط سے 54 وکٹیں حاصل کر چکے ہیں۔ باصلاحیت باؤلر جنید خان کیلئے میگا ایونٹ کڑا امتحان ہو گا، احسان عادل اب تک صرف 2 ہی میچ کھیل چکے ہیں جن میں وہ ایک وکٹ حاصل کرنے میں کامیاب رہے۔ ورلڈ کپ میں سعید اجمل کی کمی شدت سے محسوس ہو گی، جادوگر سپنر کی غیرموجودگی میں کمان یاسر شاہ کے ہاتھ ہو گی۔
