شارجہ۔24 اکٹوبر (سیاست ڈاٹ کام ) آئندہ ماہ ہونے والی ٹی 10 کرکٹ لیگ کا شیڈول جاری کردیا گیا۔ انتظامیہ کے مطابق لیگ کے دوسر ے ایڈیشن کا آغاز 21 نومبر کو رنگارنگ تقریب سے ہوگا جس میں نامور شخصیات شرکت کریں گی۔ انتظامیہ نے دعویٰ کیا ہے کہ ہندوستانی کرکٹرز کے ساتھ بھی معاملات طے ہوگئے ہیں اور ہندوستان کے 8 کھلاڑی ٹورنمنٹ میں شرکت کریں گے۔ ان میں ظہیر خان ، پروین کمار ، آرپی سنگھ اور ایس بدری ناتھ شامل ہیں۔ افتتاحی تقریب کے بعد 2 میچز کھیلے جائیں گے۔ پہلا میچ راجپوتز اورکراچیئن کے درمیان ہوگا جبکہ دوسرے میچ میں کیرالہ کنگز اور پختونز مدمقابل آئیں گے۔ اس مرتبہ ٹورنمنٹ میں مجموعی طور پر 29 مقابلے ہوں گے۔ 21 نومبر سے 25 نومبرتک ابتدئی راو نڈ ہوگا جس کے بعد 26 سے 30 نومبر تک ناک آوٹ مرحلہ ہوگا۔ یکم دسمبر کو کوالیفائر اور دوایلیمینٹرز میچزکھیلے جائیں گے۔ 2 دسمبر کو تیسرے مقام کا میچ اور فائنل کھیلا جائے گا اور اسی روز رنگارنگ اختتامی تقریب ہوگی۔
