ٹوٹے رتھ پر سوار ہوکر یوپی انتخابات لڑرہی بی جے پی : لالو

پٹنہ: اترپردیش اسمبلی انتخابات کے لئے ہفتہ کو ہوے والے پہلے مرحلے کی پولنگ سے راشٹریہ جنتادل ( آرجے ڈی) کے صدر لالو پرساد یادو نے بھارتیہ جنتا پارٹی ( بی جے پی)کے وجے رتھ کے رکنے کا دعوی کرتے ہوئے کہاکہ عظیم اتحاد نے بہار میں بی جے پی کا وجئے رتھ روکا تھا لیکن یوپی میں تو بی جے پی پہلے ہی ٹوٹے پہیوں کے رتھ پر سوار ہے‘ جو11مارچ کو پوری طرح ٹوٹ جائے گا۔

لالو پرساد نے ٹوئٹر کے ذریعہ بی جے پی پر جم کر طنز کرتے ہوئے لکھا میں نے اور نتیش کمار نے بہار میں بی جے پی کا رتھ روکاتھا۔یوپی میں تو رتھ ہی نہیں ہے۔ اس کے تمام پہئے ٹوٹ گئے ہیں جوکچھ باقی ہے 11مارچ کو ٹوٹ جائے گا۔

آر جے ڈی سربراہ لالو پرساد نے بی جے پی کے ساتھ آر ایس ایس کو بھی اپنی تنقید کا نشانہ بنایا۔

انہو ں نے اپنے ٹوئٹ میں کہاکہ ’’ میں تو فری لانس ہوں‘ نفرت او رزہر پھیلانے والی بی جے پی اور آر ایس ایس جیسی تنظیموں کو اکھاڑ پھینکنے کے لئے کہیں بھی جاسکتا ہوں۔

اس سے پہلے لالو نے یوپی انتخابات میں وزیراعظم نریندر مودی کی محدود ریلیوں کو لہ کر بھی وزیر اعظم پر طنز کرتے ہوئے کہاتھا کہ ان کی محدودریلیوں سے لگتا ہے کہ مودی یوپی ہار کی ذمہ داری نہیں لینا چاہتے ہیں۔