حیدرآباد۔/20اپریل، ( سیاست نیوز) حفیظ پیٹ کے علاقہ میں پیش آئے ٹرین حادثہ میں ایک شخص ہلاک ہوگیا۔ ریلوے پولیس نامپلی کے مطابق 35 سالہ شخص پانڈو جو پیشہ سے ملازم تھا حفیظ پیٹ کا ساکن تھا۔ ریلوے پولیس ذرائع کے مطابق یہ شخص ایک کنسٹرکشن کمپنی میں سوپر وائزر کا کام کرتا تھا جو چندا نگر حفیظ پیٹ کے درمیان ریلوے لائن کو عبور کرنے کی کوشش میں ٹرین کی زد میں آکر ہلاک ہوگیا۔ ریلوے پولیس نے مقدمہ درج کرلیا ہے اور مصروف تحقیقات ہے۔
