حیدرآباد 10 اکٹوبر (سیاست نیوز) نامپلی اور کاچیگوڑہ ریلوے پولیس حدود میں پیش آئے ٹرین حادثات میں دو افراد ہلاک ہوگئے جس میں ایک کی شناخت نہیں ہوپائی ہے۔ ریلوے پولیس نامپلی کے مطابق 35 سالہ درگیش مہسانی جو پیشہ سے پینٹر تھا، حفیظ پیٹ کے علاقہ میں رہتا تھا، اترپردیش کا متوطن بتایا گیا ہے جسے حفیظ پیٹ اور چندا نگر کے درمیان ریلوے لائن کو عبور کرنے کے دوران پیش آئے ٹرین حادثہ میں مہسانی ہلاک ہوگیا۔ کاچی گوڑہ ریلوے پولیس کے مطابق 50 سالہ نامعلوم شخص جو کل رات یاقوت پورہ اور اپو گوڑہ ریلوے لائن کو عبور کرنے کی کوشش میں ہلاک ہوگیا۔ ریلوے پولیس نے مقدمات درج کرلئے اور مصروف تحقیقات ہے۔
