حیدرآباد /29 مئی ( سیاست نیوز ) شہر و نواحی علاقوں میں پیش آئے ٹرین حادثات میں تین افراد ہلاک ہوگئے ۔ تاہم ان میں ایک کی بھی شناخت نہیں ہوپائی ہے کاچی گوڑہ ریلوے پولیس کے مطابق ایک 70 سالہ شخص جو عمدہ نگر اور فلک نما کے درمیان ریلوے لائین پر جانچ کے دوران پولیس کو اس ضعیف شخص کی نعش دستیاب ہوئی ۔ ریلوے پولیس کے مطابق ایک 35 سالہ شخص جو یاقوت پورہ اور دبیرپورہ کے درمیان ریلوے لائین کو عبور کرنے کی کوشش کر رہا تھا ۔ ٹرین کی زد میں آکر ہلاک ہوگیا ۔ ریلوے پولیس اس شخص کی شناخت اور وجوہات کا پتہ چلانے میں مصروف ہے ۔ نامپلی ریلوے پولیس کے مطابق ایک 80 سالہ شخص جو حفیظ پیٹ اور چندا نگر کے درمیان ریلوے لائین کو عبور کرنے کی کوشش کر رہا تھا ۔ ٹرین کی زد میں آکر ہلاک ہوگیا ۔ ریلوے پولیس اس شخص کی شناخت میں مصروف ہے ۔
