کنگسٹن ۔ 18اکٹوبر(سیاست ڈاٹ کام ) ویسٹ انڈیز رواں سال کے آخر میں ویمنز ورلڈ ٹی ٹوئنٹی کرکٹ کپ کی میزبانی کرے گا۔ یہ ٹورنامنٹ 9 تا 24 نومبر تک کھیلا جائے گا۔ یہ ٹی ٹوئنٹی ورلڈکپ ٹورنمنٹس کی تاریخ کا پہلا موقع ہو گا کہ صرف ویمنز ایونٹ منعقد ہو رہا ہے۔ اس سے قبل مرد اور خواتین ورلڈکپ ٹورنمنٹس ایک ساتھ منعقد ہوتے تھے۔ ویسٹ انڈیزکو 8 برس بعد میگا ٹورنمنٹ کی میزبانی کا اعزاز ملا ہے۔ ویسٹ انڈیز نے آخری بار 2010ء میں مینز اینڈ ویمنز ایونٹس کی میزبانی کی تھی۔ مینز ایونٹ میں انگلینڈ اور ویمنز میں آسٹریلیا فاتح رہا تھا۔ رواں سال9 تا 24 نومبر ایونٹ کے میچز اینٹی گووا اینڈ باربوڈا، گیانا اور سینٹ لوشیا میں کھیلے جائیں گے۔
