محبوب نگر ۔ 27 ۔ مارچ ( سیاست ڈسٹرکٹ نیوز ) عبدالجبار امیر مقامی جماعت اسلامی محبوب نگر نے اپنے ایک صحافتی بیان میں کہا کہ بلدیہ کے منعقد شدنی انتخابات میں وارڈ 16 اور 14 کیلئے ویلفیر پارٹی آف انڈیا کی تائید کا جماعت اسلامی ہند محبوب نگر نے فیصلہ کیا ہے ۔ ویلفیر پارٹی آف انڈیا حق پرست پارٹی ہے ۔ جس کی کامیابی سے عوامی مسائل اور دشواریوں کا ازالہ ہوسکتا ہے ۔ مستقر محبوب نگر کے وارڈ نمبر 16 کیلئے محمد عبدالماجد وارڈ نمبر 14 کیلئے محمد طاہر اس پارٹی کے امیدوار ہیں جن کا انتخابی نشان گلاس ہے ۔ لہذا ان دونوں وارڈز کے ووٹرس سے گذارش کی جاتی ہیکہ وہ ووٹ ضائع نہ کریں بلکہ ویلفیر پارٹی کے امیدواروں کو کامیاب بنائیں ۔
