ڈھاکہ۔10 مئی (سیاست ڈاٹ کام )پاکستانی کرکٹ ٹیم کے کوچ وقار یونس نے کہا ہیکہ بہت انتظار کے بعد ایک اچھی کامیابیملی ہے اب توجہ ونڈے ٹیم کو بہتر کرنا ہے۔ تنقید کرنے والوں کی عزت کرتا ہوں،لیکن انہیں سننا بند کر دیا۔بنگلا دیش کے خلاف ٹسٹ سیریز جیت کر بہت خوشی ہوئی اس جیت کی پوری ٹیم کو ضرورت تھی۔اپنے اوپر ہونے والی تنقید سنتا نہیں، میرا کام ٹیم کو اچھے اورقابل کھلاڑی تلاش کرکے دینا ہے۔ زمبابوے کے دورۂ پاکستان پر وقار یونس نے کہا ہیکہ اس دورہ سے پاکستان میں بین الاقوامی کرکٹ کی واپسی ہو ر ہی ہے،جو نہایت اہم ہے۔ کوچ وقاریونس نے خصوصی گفتگو انٹرویو میں مزید کہا کہ انتظارکے بعد ایک اہم کامیابی ملی ہے، سب ہی نے اچھے کھیل کا مظاہرہ کیا۔مستقبل پاکستان کرکٹ ٹیم کے ساتھ ہی ہے،مجھے اچھے کھلاڑی بنانے ہیں،ابھی تو پاکستان کی ونڈے ٹیم پر کام کرنا ہے۔ وقار یونس کے بموجب پاکستان کے لئے زمبابوے کی سیریز بہت اہم ہے۔چیئرمین سے کرکٹ کی بہتری پر بات چیت ہوئی۔ زمبابوے کے دورہ سے پاکستان میں کرکٹ واپس آرہی ہے۔بہت ضروری تھا کہ کوئی بین الاقوامی ٹیم پاکستان آئے لیکن ابھی شروعات ہوئی ہے اوربھی ٹیمیں آئیں گی۔ پاکستان کرکٹ ٹیم میں نیا خون لانا ہے، ہمیں اچھے اورقابل کھلاڑی ٹیم میں لانے ہوں گے۔
