نئی دہلی، 4ستمبر (سیاست ڈاٹ کام ) پیر کے روز چارج سنبھالنے کے بعد، نئے کھیل وزیر راجیہ ورھن سنگھ راٹھور نے واضح طور پر کہا کہ کھیلوں کی وزارت کے رویے کو تبدیل کرنا ضروری ہے اور کھلاڑیوں کی عزت اور سہولت کی فراہمی ان کی اولین ترجیح ہوگی۔2004 ایتھنز اولمپکس میں چاندی کا تمغہ جیتنے والے نشانہ باز راٹھور کووجے گوئل کے مقام پر نئے وزیر اسپورٹس مقرر کیا گیا ہے ۔ان کی تقرری ایک ایسے وقت میں آئی ہے جب 2017 میں ہندستان کو دولت مشترکہ اور ایشیائی کھیلوں میں اپنے چیلنج کا سامنا کرنا ہے ۔راٹھور نے کہا کہ کھیلوں کی وزارت کے رویے میں تبدیلی بھی بہت اہم ہے ۔جب رویے میں تبدیلی کے تناظر کے بارے میں پوچھا گیا تو انہوں نے کہاکہ میرا واضح مطلب ہے کہ کھلاڑیوں کو وزارت میں سب سے زیادہ ترجیح ملتی ہے ۔ان کے بارے میں سوچ بھی تبدیل کی جانا چاہئے ۔ یہاں بہت سے اچھے افسران موجود ہیں جو کھلاڑیوں کی مدد کرتے ہیں لیکن ہمیں ایسے افسران کی تعداد میں اضافہ کرنا ہے تاکہ کھلاڑی کسی بھی مسئلہ کا سامنا نہ کریں۔کھیلوں کے وزیر سے اپنے سفر کے بارے میں پوچھنے پر نئے وزیر کھیل نے کہا کہ میرا سفر بھی اس وزارت کے استقبالیہ کے ساتھ شروع ہوا۔ہر کھلاڑی کا سفر یہاں سے ہی شروع ہوتا ہے جب وزارت کے حکام تک اپنی مشکلات اور ضروریات کے بارے میں پہنچنا پڑتا ہے ۔ہر کھلاڑی کے ساتھ مسائل آتے ہیں اور ہم اپنی پوری کوشش کریں گے کہ ہم ہر کھلاڑی کے مسائل پر قابو پائیں۔