ورنگل ۔ 28 ۔ اگسٹ ( سیاست ڈسٹرکٹ نیوز ) صدر ضلع حج سوسائٹی محمد سرور محی الدین غازی کے بموجب ریاستی جج کمیٹی کے ذریعہ روانہ ہونے والے عازمین حج ورنگل کیلئے 31 اگسٹ بروز اتوار 10.30 بجے دن کرسٹل گارڈن ایل بی نگر ورنگل میں حج تربیتی کیمپ کا اہتمام کیا گیا اس کیمپ میں جناب شکور اسپیشل آفیسر ریاستی حج کمیٹی ، ایم اے حمید ای او ، عرفان شریف ، اے ای او ریاستی حج کمیٹی کے علاوہ مولانا محمد فصیح الدین قاسمی ، خواجہ عارف الدین ، مولانا طالب الرحمن ، مولانا عظیم الدین قاسمی صدر ، جمیعۃ علماء ہند ضلع ورنگل کے خطابات ہونگے ۔ اس کیمپ میں پراجکٹر کے ذریعہ سی ڈی بتائی جائے گی ۔ تمام عازمین حج سے شرکت کی خواہش کی جاتی ہے ۔ مزید تفصیلات کیلئے سرور محی الدین غازی سیل نمبر 9704449236 پر ربط پیدا کرسکتے ہیں۔
