ورلڈ کپ پراکٹس مقابلوں کی ٹکٹیں فروخت

دبئی۔10 اپریل (سیاست ڈاٹ کام ) آئی سی سی نے ورلڈ کپ سے قبل مقررہ پریکٹس مقابلوں کی ٹکٹیں فروخت کیلیے پیش کردیں۔ انٹرنیشنل کرکٹ کونسل کی جانب سے ورلڈ کپ سے قبل مقررہ وارم اپ میچز کی ٹکٹیں فروخت کیلیے پیش کری گئی ہیں ۔ یہ ٹکٹیں آفیشل سائٹ سے خریدی جا سکتی ہیں، میگا ایونٹ سے قبل مجموعی طور پر 10 وارم اپ میچز 24 تا 28 مئی تک کھیلے جائیں گے، اس طرح ہر ٹیم اصل ایونٹ سے قبل 2 پریکٹس میچز کھیلے گی۔ ان مقابلوں کی میزبانی 4 میدان برسٹل کائونٹی گرائونڈ،کارڈف ویلز اسٹیڈیم، ہیمپشائر بائول اور دی اوول کریں گے۔ ان مقابلوں کو سرکاری ونڈے مقابلوں کی حیثیت حاصل نہیں ہوگی اس لئے ہر ٹیم اپنے15 کھلاڑیوں میں سے کسی کو بھی کسی بھی وقت میدان میں اتار سکتی ہے۔ ٹکٹوں کی قیمت بڑوں کیلئے 15 پائونڈر اور انڈر 16 کیلیے ایک پائونڈ مقرر کی گئی ہے۔ ٹکٹیں میچ کے روز میزبان میدان پر بھی موجود ہوںگی تاہم وہاں 5 پائونڈز اضافی ادا کرنا ہوگا۔