نظام آباد:14؍ اپریل(سیاست ڈسٹرکٹ نیوز)عبدالرحیم قمرؔ صدرادارہ ادب اسلامی ہند شہر نظام آباد کی اطلاع کے بموجب ادارہ ادب اسلامی ہند نظام آباد کے زیر اہتمام عظیم الشان کل ہند مشاعرہ و جلسہ تہنیت کا انعقاد17؍اپریل بروزجمعہ بوقت 9-00بجے شب،گولڈن فنکشن ہال قلعہ روڈنظام آبادعمل میں لایاجارہا ہے ۔ جس کی صدارت محمد عبدالشکور صدر سینئر سٹیزنس ویلفیئر سوسائٹی نظام آباد کریں گے اورمہمانانِ خصوصی کی حیثیت سے سید ریاض تنہا صدر ادارہ ادب اسلامی ہند تلنگانہ ،اڑیسہ و آندھراپردیش، احمد عبدالحلیم ناظم علاقہ جماعت اسلامی ہند شمالی تلنگانہ ، محمدخواجہ نصیر الدین ناظم ضلع جماعت اسلامی ہند نظام آباد، محمد نثار احمد ،شکیل صابری ،ملک مظہر اللہ انجینئر، محمد افتخار احمد،این آر آئی ، سید مجیب علی ڈائرکٹر کریسنٹ گروپ آف انسٹی ٹیوشنس شرکت کریں گے اس تقریب میں ممتاز شاعر جمیل نظام آبادی کی کتاب ’’حرفِ سخن‘‘ کی اشاعت پر اور رضی شطاری کو ڈاکٹریٹ کی تکمیل پر ادارہ کی جانب سے تہنیت پیش کی جائے گی۔جبکہ مہمان شعراء کرام کی حیثیت سے ظہیر کانپوری(کانپور)،اکرم قریشی(جلگائوں)، انس نبیل (آکولہ)، وقار جامیؔ(دیوبند)، لیاقت علی خان یاسرؔ (جالنہ)، سہیل احمد صدیقی (نانڈیر)کبیر احمد شکیل(بودھن)،شیخ احمد ضیاء (شکر نگر)،اقبال شانہؔ(بودھن)،معین راہی (بودھن) کے علاوہ ممتاز میزبان شعراء کرام میں جمیل نظام آبادی ، سوز نجیب آبادی،، عبدالقیوم نقیبؔ، شعیب نظام آبادی، سید ریاض تنہا ؔ، ضامن علی حسرت ، عبدالرحیم قمر ؔ،اشفاق اصفیؔ، شریف اطہرؔ، جلال اکبر ، اوسط نظام آبادی ، تمیم نظام آبادی ، عبدالخالق اسرارؔ، توصیف رہبرؔوغیرہ اپنا کلام سنائیں گے ۔ناظم مشاعرہ اشفاق اصفی ہونگے۔
