میکسویل خارج، لن اور پین کی ونڈے میں واپسی

سڈنی۔3 جنوری (سیاست ڈاٹ کام ) جارحانہ بیٹسمین گلین میکسویل کو انگلینڈ کے خلاف14 جنوری کو شروع ہونے والی پانچ میچوں کی ونڈے سیریز کے لئے آسٹریلیائی ٹیم سے باہر کر دیا گیا ہے جبکہ فاسٹ بولر کرس لن اور وکٹ بیٹسمین باز ٹم پین کی 14 رکنی ٹیم میں واپسی ہوئی ہے ۔چیف سلیکٹر ٹریور ہونس کا خیال ہے کہ آسٹریلیا کے لئے اب تک80 ونڈے میچ کھیلنے والے میکسویل کو کارکردگی میں تسلسل نہ ہونے کی وجہ سے ٹیم میں شامل نہیں کیا گیا ہے ۔ہونس نے کہا،گلین کی صلاحیت پر کسی کو کوئی شبہ نہیں ہے اور وہ ایک میچ فاتح کھلاڑی ہیںلیکن حالیہ وقت میں ان کی کارکردگی میں تسلسل نہیں ہے ۔ ونڈے کے گزشتہ20 میچوں میں ان کی اوسط تقریباً22 کی رہی ہے اورونڈے میں بیٹنگ کو مضبوطی دینے کیلئے ہمیں اس سے اوپر کی اوسط چاہئے ۔ میکسویل کے علاوہ وکٹ کیپر میتھیو ویڈ کو بھی ونڈے سیریز سے باہر کردیا گیا ہے اور اب ان کی جگہ ایشز ٹسٹ سیریز میں شاندار کارکردگی پیش کرنے والے ٹیم پین کو موقع دیا گیا ہے ۔آسٹریلیا کے لئے اب تک آٹھ ٹیسٹ اور 26 ون ڈے کھیلنے والے 33 سال کے پین کی تقریباً سات سال بعد ون ڈے ٹیم میں واپسی ہوئی ہے ۔ انہوں نے اپنا پچھلا ون ڈے میچ بنگلہ دیش کے خلاف اپریل 2011میں کھیلا تھا۔ٹوئنٹی -20 کے ماہر بلے باز کرس لن کو انگلینڈ کے خلاف پانچ میچوں کی سیریز کے لئے آسٹریلیائی ٹیم میں جگہ دی گئی ہے ۔ ھونس نے کہا، "گلین کے نام پر ہم نے غور کیا تھا لیکن اس سیریز کے لئے طویل عرصہ بعد واپسی کر رہے کرس لن کو ہی موقع دینا ہم نے مناسب سمجھا۔”آسٹریلیا کی 14 رکنی ٹیم اس طرح ہے -اسٹیون اسمتھ (کپتان)، ڈیوڈ وارنر (نائب کپتان)، پیٹرک کمنس، آرون فنچ، جوش ہیزل وڈ، ٹریوس ہیڈ، کرس لن، مشیل مارش، ٹم پین ، جے رچرڈسن، مشیل اسٹارک، مارکس اسٹوینس، اینڈریو ٹائی اور ایڈم جمپا۔