ریاض۔29 اکٹوبر ۔ (سیاست ڈاٹ کام) سعودی عرب نے خبردار کیا ہے کہ میرس وائرس کا خطرہ ابھی تک ٹلا نہیں ہے۔ بتایا گیا کہ مغربی شہر طائف میں اس وائرس سے مزید 17 افراد متاثر ہو گئے ہیں۔ گزشتہ روز وزارت صحت نے مزید کہا کہ میرس سے شدید خطرات لاحق ہیں اور اس سے نمٹنے کیلئے فوری اقدامات ناگزیر ہیں۔ جون 2012ء سے اب تک اس وائرس کے نتیجے میں سعودی عرب میں 333 افراد ہلاک ہو چکے ہیں جبکہ یہ 20 دیگر ممالک میں بھی پھیل چکا ہے۔
