کولمبو ۔ 28 جولائی (سیاست ڈاٹ کام) جنوبی افریقہ کے فاسٹ بولر مورنی مورکل نے ٹسٹ میں وکٹوں کی ڈبل سنچری مکمل کر لی۔ انہوں نے یہ اعزاز سری لنکا کے خلاف دوسرے ٹسٹ کی دوسری اننگز میں حاصل کیا۔ 29 سالہ مورکل 200 ٹسٹ وکٹیں حاصل کرنے والے جنوبی افریقہ کے چھٹے بولر بن گئے ہیں۔ دراز قد فاسٹ بولر نے کولمبو ٹسٹ کے چوتھے دن سری لنکا کے کتھروان وتھانگے کو آوٹ کرکے وکٹوں کی ڈبل سنچری مکمل کی۔ وہ اب تک 58 ٹسٹ کی 110 اننگز میں 30.08 کی اوسط سے 201 وکٹیں حاصل کر چکے ہیں۔ جنوبی افریقہ کی جانب سے ٹسٹ کرکٹ میں سب سے زیادہ وکٹیں حاصل کرنے کا اعزاز شان پولاک کو حاصل ہے۔ انہوں نے 108 ٹسٹ میں 421 وکٹیں حاصل کیں۔
