چینائی۔13اپریل( سیاست ڈاٹ کام) ٹامل کے مقبول عام ناول نگار آر این جوئے ڈیکروز کو دھمکی آمیز بیانات کا سامنا ہے ‘ انہیں نفرت انگیز ای میلس بھی موصول ہورہے ہیں ۔ انہوں نے بی جے پی وزارت عظمی کے امیدوار نریندر مودی کی حمایت کیتھی اور گجرات میں ان کی ویژن والی حکومت کی ستائش بھی کی تھی ۔ ساہتیہ اکیڈیمی کے ایوارڈ پانے والے ناول نگار جوئے نے ماہی گیروں کے حقوق کیلئے بھی کام کیا ہے ۔ ان کا کہنا ہے کہ ملک میں ہر کوئی ایک دوسرے کا مخالف ہے ۔ اپوزیشن ہوتی ہے ‘ خطرناک اور بلیک میل والے کام بھی انجام دیئے جاتے ہیں۔ انہوں نے فیس بک پر مودی کی حمایت میں ایک بیان دیا تھا۔
