غازی پور: 24 اپریل(سیاست ڈاٹ کام ) بھارتیہ جنتا پارٹی(بی جے پی) سربراہ امت شاہ جمعرات کو مرکزی وزیر و بی جے پی امیدوار منوج سنہا کی نامزدگی کے موقع پر غازی پور میں موجود ہوں گے ۔بی جے پی ضلع صدر بھانو پرتاپ سنگھ نے بتایا کہ 25 اپریل کو صبح 9:30 بجے غازی پور لنکا میدان میں موجود لوگوں سے بی جے پی صدرا مت شاہ، مرکزی وزیر جنرل وی کے سنگھ اور شیوپرتاپ شکلا خطاب کریں گے ۔ اس کے بعد موجودہ رکن پارلیمان منوج سنہا کلکٹریٹ دفتر پہنچ کر پرچہ نامزدگی داخل کریں گے ۔
مودی۔شاہ کے ساتھ سمرتی اور ہیما بھی
مدھیہ پردیش کی انتخابی مہم میں شامل
بھوپال،24اپریل(سیاست ڈاٹ کام )مدھیہ پردیش میں لوک سبھا انتخابات کے دوران بھارتیہ جنتا پارٹی کے امیدواروں کے لئے وزیراعظم نریندرمودی اور پارٹی کے صدر امت شاہ کے علاوہ مرکزی وزیر سمریتی ایرانی اور رکن پارلیمنٹ ہیما مالینی بھی تشہیر کریں گی۔پارٹی نے انتخابی کمیشن کو ان 40لیڈروں کی فہرست سونپ دی ہے ،جو مدھیہ پردیش میں لوک سبھا امیدواروں کے لئے انتخابی تشہیر کریں گے ۔ان میں پہلا نمبر وزیراعظم مسٹر مودی کا ہے اور دوسرا امیت شاہ کا۔مرکزی وزیرداخلہ راج ناتھ سنگھ ،نتن گڈکری،ارون جیٹلی،سشما سوراج،اوما بھارتی،پیوش گوئل اور سمریتی ایرانی بھی انتخابی تشہیر کے لئے ریاست کادورہ کریں گی۔اس کے علاوہ لوک سبھا اسپیکر سمترا مہاجن کا نام بھی اس فہرست میں شامل ہے ۔مہاراشٹر کے وزیراعلی دیوندرفڑنوس ،اترپردیش کے وزیراعلی یوگی آدتیہ ناتھ،نائب وزیراعلی کیشو پرساد موریہ،وزیر سوتنتردیوسنگھ،رکن پارلیمنٹ ستپال مہاراج اور ہیمامالینی بھی ریاست میں عوام سے بی جے پی امیدواروں کو جتانے کی اپیل کریں گی۔مدھیہ پردیش کے سابق وزیراعلی شیوراج سنگھ چوہان،اپوزیشن لیڈر گوپال بھارگو،پارٹی کے جنرل سکریٹری کیلاش وجے ورگئے ،ریاستی اکائی کے صدر راکیش سنگھ،پارٹی کے جنرل سکریٹری سہاس بھگت،سابق وزیر نروتم مشرا،یشودھراراجے سندھیا اور جے بھان سنگھ پوئیا بھی ریاست میں مسلسل تشہیر کریں گے ۔