شرم الشیخ۔7 نومبر (سیاست ڈاٹ کام) مصر کی فٹبال ٹیم اورانگلش فٹبال کلب لیورپول اسٹار فٹبالر ا سٹار محمد صلاح کو خراج تحسین پیش کرنے کیلئے بنایا گیا مجسمہ شدید تنقید اور مذاق بن گیا۔ یہ مجسمہ مصر کے شہر شرم الشیخ میں ورلڈ یوتھ فورم میں پیش کیا گیا۔ اس میں گول کے بعد محمد صلاح کے جشن منانے کا وہ معروف انداز دکھایا گیا ہے جس میں وہ ہاتھ پھیلا کر خوشی کا اظہار کرتے ہیں۔ عوام نے کہا ہے کہ یہ مجسمہ صلاح سے کوئی مشابہت نہیں رکھتا بلکہ اسے دیکھ کر بعض فلمی کرداروں کی یاد آتی ہے۔ اس کا موازنہ گزشتہ سال مدیرا ایر پورٹ پر نصب کئے گئے کرسٹیانو رونالڈو کے مجسمے سے بھی کیا جا رہا ہے۔
