یروشلم ، 8 ستمبر (سیاست ڈاٹ کام) مشرقی یروشلم میں درجنوں فلسطینیوں نے احتجاج کے دوران اسرائیلی پولیس پر پتھراؤ کیا اور پٹرول بم برسائے۔ جواب میں پولیس نے مظاہرین کو منشتر کرنے کیلئے ربڑ کی گولیاں برسائیں۔ بتایا گیا کہ پولیس اور مظاہرین کے مابین تصادم کئی گھنٹے تک جاری رہا لیکن کسی جانی نقصان کی اطلاع موصول نہیں ہوئی ہے۔ یہ مظاہرین اس وقت سڑکوں پر نکلے ، جب انہیں معلوم ہوا کہ گزشتہ ہفتے اسرائیلی پولیس کے ساتھ مظاہرین کے تصادم کے نتیجے میں کی گئی فائرنگ سے زخمی شدہ ایک فلسطینی نوجوان مارا گیا ہے۔
