محبوب نگر /13 اپریل ( سیاست ڈسٹرکٹ نیوز ) مسلمانوں میں حکومت کی مختلف اسکیمات سے متعلق شعور بیداری دراصل عصر حاضر کا تقاضہ ہے چونکہ ملک بھر میں تمام طبقات میں تعلیمی و معاشی اعتبار سے مسلمان پسماندہ ہیں اور ان کی اس پسماندگی کو دور کرنے کیلئے حکومت مختلف اسکیمات کو پیش کر رہی ہے ۔ مگر بہت کم لوگ ان اسکیمات سے متعلق علم رکھتے ہیں بہت ہی محدود افراد گورنمنٹ کی اسکیمات سے فائدہ حاصل کر رہے ہیں ۔ ان خیالات کا اظہار جلال الدین اکبر آئی ایف ایس کمشنر مائناریٹی ویلفیر ڈپارٹمنٹ ریاست تلنگانہ نے جماعت اسلامی محبوب نگر کے انفارمیشن گائیڈنس سنٹر کے افتتاح سے خطاب کرتے ہوئے کیا ۔ انہوں نے مزید کہا کہ مسلم طلبہ اعلی تعلیم کے حصول کے ذریعہ بہتر روزگار حاصل کریں ۔ انہوں نے اردو میڈیم اقامتی اسکول و کالج کی صورتحال پر بھی تشویش کا اظہار کیا ۔ مسلمانوں سے استفادہ کی خواہش کی ۔ اس افتتاحی پروگرام سے خطاب کرتے ہوئے مسٹر راجہ رام جوائنٹ ایڈیشنل کلکٹر محبوب نگر نے کہا کہ تعلیم کے ذریعہ ہی ترقی ممکن ہے ۔ اگر ہم اعلی تعلیم حاصل کریں تب ہی بہتر روزگار حاصل ہوگا جس سے فرد کو ترقی حاصل ہوگی ۔ ساتھ ہی ریاست و ملکت ترقی کی سمت گامزن ہوگا اور سنہرے تلنگاہن کا خواب بھی تکمیل کو پہونچے گا ۔ انہوں نے انفارمیشن گائیڈنس سنٹر کو میناریٹی طبقہ میں بیداری کی شروعات قرار دیا اور اس طرح کے سنٹر منڈل اور دیہات کی سطح پر قائم کرنے کا مشورہ دیا ۔ قبل ازیں عبدالجبار صدیقی جنرل سکریٹری نے افتتاحی کلمات میں انفارمیشن گائیڈنس سنٹر کے قیام کے مقاصد پر روشنی ڈالی اور حکومت کی 200 سے زائد اسکیمات کی تفصیلات پیش اور عوام سے استفادہ کی خواہش کی ۔ اس پروگرام کو کریم اللہ ایگزیکیٹیو ڈائرکٹر مائناریٹی کارپوریشن محبوب نگر ، اعظم علی ، ڈائرکٹر ریسورسیس ہیومن ویلفیر فاؤنڈشین نے بھی مخاطب کیا ۔ مہمانان میں سری شامیڈ مائناریٹی ویلفیر آفیسر ، محمد عبدالجبار امیر مقامی شامل تھے ۔ محمد آصف کی تلاوت سے پروگرام کا آغآز عمل میں آیا ۔ انفارمیشن گائیڈنس سنٹر کا افتتاح مسٹر راجہ رام جوائنٹ ایڈیشنل کلکٹر محبوب نگر کے ہاتھوں عمل میں آیا ۔ نظامت کے فرائض برادر سمیع الرحمن نے انجامک دئے ۔ برادر شیخ جاعت علی ناظم ضلع جماعت اسلامی محبوب نگر کے شکریہ پر پروگرام اختتام پذیر ہوا ۔ اس موقع پر معززین شہر کی ایک کثیر تعداد شریک تھی ۔
