مارٹن کرو پھر کینسر سے متاثر

ویلنگٹن ۔ 17 ستمبر (سیاست ڈاٹ کام) نیوزی لینڈ کرکٹ ٹیم کے سابق کپتان مارٹن کرو نے آج کہا ہے کہ وہ دوبارہ کینسر سے متاثر ہوچکے ہیں حالانکہ 15 ماہ قبل انہوں نے اعلان کیا تھا کہ کینسر کا مرض قابو میں ہے۔ ٹوئٹر پر اپنا بیان جاری کرتے ہوئے انہوں نے کہا کہ تقریباً دیڑھ برس صحت مند رہنے کے بعد اب مجھے پھر سخت محنت کی ضرورت ہے جبکہ میرے دوست لم پھوما دوبارہ مجھ سے ملاقات کررہے ہیں اور مجھے ہدایات بھی دے رہے ہیں۔ 51 سالہ مارٹن کرو پہلی مرتبہ 2012ء میں کینسر سے متاثر ہوئے لیکن کیمو تھراپی کے بعد ڈاکٹروں نے انہیں کینسر سے محفوظ قرار دیا تھا۔ کرو نے مزید کہا کہ اب وہ مزید علاج کروا رہے ہیں۔ کرو نے نیوزی لینڈ کی 77 ٹسٹ مقابلوں میں نمائندگی کی تھی جس میں انہوں نے 45.36 کی اوسط سے 17 سنچریاں بھی اسکور کیں۔