بھوپال، 10 مئی ( سیاست ڈاٹ کام ) بھوپال پارلیمانی حلقہ سے کانگریس امیدوار ڈگ وجے سنگھ نے آج وزیر اعظم مودی پر نکتہ چینی کرتے ہوئے کہا کہ لیڈر کا قد اس کے سینے کے ناپ سے نہیں، بلکہ کام سے پتہ چلتا ہے ۔مسٹر سنگھ نے آج ٹویٹ کرتے ہوئے کہا کہ لیڈر کا قد اس کے سینے کے ناپ سے نہیں، کام سے پتہ چلتا ہے ۔ مسٹر مودی نے 2014 میں جو وعدے کئے تھے ، ان کی کامیابی پر بات کرنی تھی، لیکن وہ تو کام کی بات چھوڑ کر ہر مسئلہ پر بول رہے ہیں۔انہوں نے کہا کہ مسٹر مودی گلابی انقلاب پر بہت بولے تھے ۔ بیف برآمد ات پر پابندی لگانے کا وعدہ تھا۔ لیکن بی جے پی کے دور میں یہ مزید بڑھ گیا۔ بھارت دنیا کا 18 فیصد گوشت برآمدات کرتا ہے ۔ ایک طرف کاروبار چلتا رہا، دوسری طرف گائے کے نام پر بے گناہ انسانوں کی ہلاکتیں ہوتی ہیں۔ سب انتخابی جملہ ہے ۔انہوں نے کئی حلقوں میں مودی پر وعدہ خلافی کا الزام عائد کیا اور کہا کہ حکومت بیمار ہے اور اچھے دن پتہ نہیں کہاں ہیں۔
