دبئی ۔ یکم اکٹوبر (سیاست ڈاٹ کام ) آسٹریلیا کے اسپنر ناتھن لیون نے پاکستان کے خلاف ٹسٹ سیریز سے قبل چار روزہ میچ کی پہلی اننگز میں 8 وکٹیں حاصل کر کے خطرے کی گھنٹی بجا دی ہے۔لیون نے کہا ہے کہ یونس خان کی ایک عجیب تعریف کی وجہ سے ان کی بولنگ میں بہتری آئی ہے۔ ۔ پاکستان اے کے خلاف چار روزہ میچ کی پہلی اننگز میں 87 رنز کے عوض 8وکٹیں حاصل کرنے والے ناتھن لیون نے ایشیا میں اپنی بولنگ کی بہتری کا سہرا سابق کپتان یونس خان کو دے دیا ہے۔ لیون نے کہا کہ یونس خان کی ایک عجیب تعریف نے انہیں اسپن بولنگ کے گر سکھا دیئے۔ 4 برس قبل سیریز میں یونس خان نے ایک عجیب تعریف کی جس میں انہوں نے بیٹنگ کے دوران کہا کہ میں آپ کو اس لیے سوئپ شاٹ کھیل رہا ہوں کیونکہ میرا ڈیفنس بہت کمزور ہے اور ڈیفنس کمزور ہونے کی وجہ سے میں آپ کی بہترین بال پر بھی سوئپ کر رہا ہوں۔ لیون نے کہا کہ میرے لئے یہ ایک عجیب تعریف تھی۔ انہوں نے کہا کہ پھر میں ایشیا میں بہتر بولنگ کرنے کے لیئے بڑی محنت کی ہے اب میں پہلے سے بہت پر اعتماد ہوں۔
