لونگ: گرم مسالے کا اہم جزو ہے۔ نمکین اور شیریں دونوں قسم کے پکوانوں میں خوشبو کیلئے اس کا استعمال ہوتا ہے۔ اس کی خوشبو بھوک کو تیز کرتی ہے۔ اس کا سب سے زیادہ استعمال دانت کے درد کو دور کرنے کیلئے ہوتا ہے کیونکہ لونگ کا تیل درد والے دانت میں لگانے سے آرام مل جاتا ہے۔ لونگ سے متلی اور قئے میں افاقہ ہوتا ہے اتنا ہی نہیں اس کے استعمال سے پیٹ پھولنے کی شکایت بھی دور ہوجاتی ہے اور بدہضمی بھی ختم ہوجاتی ہے۔ لونگ کو مسوڑھوں کی سوجن، حلق کے ورم اور منہ کو خوشبودار بنانے کیلئے بھی استعمال کیا جاتا ہے۔ لونگ قلب، دماغ، معدے اور جگر کیلئے قوت بخش ہے۔ یہ آنتوں کی کمزوری کو دور کرنے میں بھی معاون ہے۔ ان مختلف فوائد کی وجہ سے لونگ زیادہ مطلوب چیز ہے۔
