سائبر آباد پولیس کی عوام دوست پالیسی ناکام ثابت
حیدرآباد 12 جون (سیاست نیوز)سائبر آباد کی عوام دوست پالیسی اور فینانسروں کے خلاف کارروائیاں ناکافی ثابت ہورہی ہیں ۔ پولیس کی مبینہ خاموشی کے سبب فینانسروں کے ظلم و جبر کا شکار ایک شخص نے خودکشی کرلیا ۔ نریڈ میڈ پولیس حدود میں یہ واقعہ پیش آیا جہاں 45 سالہ محمدعلیم نے کل رات پھانسی لیکر خودکشی کرلی ۔ پولیس کے مطابق علیم جو پیشہ سے سیلزمین تھا اس نے کل رات انتہائی اقدام کرلیا ۔ اس شخص کو فینانسروں کی جانب سے ہراسانی کا سامنا تھا ۔ قرض حاصل کرنے کیلئے اس شخص کو اس قدر ہراساں و پریشان کیا گیا کہ اس نے بالاخر خودکشی کرلی ۔ نریڈ میٹ پولیس نے علیم کی خودکشی پر تین افراد کے خلاف مقدمہ درج کرلیا ہے ۔ پولیس ذرائع نے بتایا کہ چندرا موہن سرینواس اور پربھاکر کے خلاف پولیس نے ایف آئی آر درج کیا ہے خودکشی کرنے والے شخص کو یہ لوگ ہر روز ہراساں و پریشان کررہے تھے اور بدسلوکی سے پیش آرہے تھے ۔ پولیس نے مقدمہ درج کرلیا ہے۔
