کیو۔23 مئی (سیاست ڈاٹ کام) یوکرینی پولیس نے ملک کے 35 فٹبال کلبز پر میچ فکسنگ میں ملوث ہونے کے الزامات عائد کردیے جس کی وجہ سے یہ کلبز سالانہ ملین ڈالرز کمارہے تھے۔پولیس کے بموجب یوکرینی فٹبال ڈویژن کے دو تہائی کلبز اس سے جڑے ہوئے ہیں۔تاہم فہرست میں چیمپئن ڈائنامو کیو اور شاکتر ڈونیسٹک کے نام شامل نہیں ہیں، یوکرین کے وزیر داخلہ آرسین ایواکوف نے سوشل میڈیا پر لکھا کہ کلب کے صدور، سابق اور موجودہ کھلاڑیوں، ریفریز، ٹرینرز اور کمرشل آرگنائزیشن اس میں ملوث ہیں، مجموعی طور پر ہمارے پاس 320 افراد کے 57 پروف مقدمات میں ملوث ہونے کی دستاویزات ہیں۔ ایواکوف نے مزید لکھا کہ اس سے مذکورہ کلب 4.2 ملین یوروز سالانہ جمع کیے جاتے ہیں، یہ رقم یوکرینی میچز پر ایشیا میں لگائی جانے والی شرطوں سے حاصل کی جاتی ہے۔دوسری جانب یوکرین کے ڈپٹی پولیس چیف ایگور کوپیرینٹس نے میڈیا سے گفتگو میں کہا کہ اس حوالے سے ابھی کوئی گرفتاریاں عمل میں نہیں آئی ہیں، انھوں نے مزید کہا کہ ریفریز اور کھلاڑیوں کو 1100 سے 3700 ڈالر زکے درمیان رقم رشوت کے طور پر دی جاتی رہی ہے، ابھی یہ واضح نہیں ہے کہ عہدیداروں نے اس حوالے سے ابتدائی تحقیقات کے بعد ہی باتیں عوام میں لے آئے، واضح رہے کہ یوکرین میں ہفتے کو رئیل میڈرڈ اور لیورپول کے درمیان یوئیفا چیمپئنز لیگ کا فائنل بھی مقرر ہے۔دوسری جانب یوکرینی فٹبال فیڈریشن کے سربراہ آندرے پیولیکو نے کہا کہ یوکرینی فٹبال میں آج تاریخی دن ہے، یہ یوکرینی فٹبال کو صاف کرنے کا نقطہ آغاز ثابت ہوگا۔
لوسی برونز سال کی بہترین کھلاڑی قرار
لندن۔23 مئی (سیاست ڈاٹ کام) انگلش ویمنس فٹبالر لوسی برونز نے سال 2018 کی بہترین کھلاڑی کا ایوارڈ جیت لیا۔برمنگھم کے خلاف پہلے شاندار گول سمیت بہترین مظاہروں نے پہلی انگلینڈ خاتون فٹبالر ہونے کا اعزاز دلا دیا۔برطانوی نشریاتی ادارے کا ایوارڈ برائے ویمن فٹبالر انگلینڈ اور اولمپک ٹیم کی ڈیفنڈر لوسی برونز نے جیت لیا۔ایوارڈ جیتنے والی پہلی انگلش خاتون فٹبالر بن گئیں۔ فٹبال ایوارڈ جیتنے کی دوڑ میں پانچ خواتین شامل تھیں۔برونز نے ایوارڈ جیتنے کے بعد کہا کہ مانچسٹر سٹی کی نمائندگی کرتے ہوئے برمنگھم کے خلاف پہلے ہیڈر گول سمیت شاندار کامیابیوں نے اس دن کو ایوارڈ کے ساتھ یادگار بنا دیا۔ ساتھ ہی ساتھ اپنے پرستاروں کا بھی شکریہ ادا کیا۔