زیورخ۔24 ستمبر(سیاست ڈاٹ کا م) عالمی چمپیئن اور فرانس اور بلجیئم کی ٹیمیں فٹبال کی تازہ ترین فیفا درجہ بندی میں مشترکہ طور پر پہلے مقام پر فائز ہو گئیں۔ یہ فٹ بال کی تاریخ کا پہلا موقع ہے کہ2 ٹیموں نے ایک ساتھ پہلے مقام پر قبضہ جمایا ہو۔بیلجیئم نے ایک درجہ ترقی پا کر فرانس کے ساتھ پہلا مقام حاصل کرلیا ہے۔ برازیل تیسرے، کروشیا چوتھے، یوراگوئے پانچویں نمبر پر موجود ہیں۔ ڈنمارک ایک درجہ تنزلی کے بعد دسویں نمبر پر چلا گیا۔ سابق عالمی چیمپیئن جرمنی کی ٹیم3 درجے ترقی کے ساتھ 12ویں نمبر پر آ گئی۔ سویڈن 2درجے گر کر 15ویں نمبر پر چلا گیا۔ اٹلی کی ٹیم ایک نمبر کی چھلانگ کے ساتھ ٹاپ ٹوئنٹی میں شامل ہو گئی۔
