بغداد ۔8 اکٹوبر ۔ ( سیاست ڈاٹ کام) سعودی عرب کے سفارتی حکام عراق کے دارالحکومت میں اپنا سفارتخانہ دوبارہ قائم کرنے کیلئے مناسب جگہ کی تلاش میں ہے۔عراق میں سعودی عرب کا سفارت خانہ 24 سال پہلے بند کیا گیا تھا۔ اس بارے میں سعودی اخبار ’’الوطن‘‘ نے وزیر خارجہ کے شعبۂ اطلاعات کے سربراہ اسامہ نقلی کے حوالے سے یہ بات کہی۔ ان کے مطابق دو مہینے پہلے دونوں ملکوں کے وزرائے خارجہ نے عراق میں سعودی سفارت خانے کی بحالی پر اتفاق کیا تھا۔
