بغداد ۔7 اکٹوبر ۔ ( سیاست ڈاٹ کام) عراقی شہر سامرا کے نواح میں ایک خود کش حملے میں کم از کم 17 افراد ہلاک ہو گئے ہیں۔ پولیس اور طبی ذرائع نے آج بتایا کہ ایک خود کش حملہ آور نے اپنی بارود سے لدی بکتر بند گاڑی کے ساتھ ایسے گھروں کو نشانہ بنایا جو شیعہ ملیشیا ارکان کے زیر استعمال تھے۔ پیر کی شام اس بم دھماکے کے نتیجے میں دومکانات پوری طرح تباہ ہو گئے۔ حکام کے مطابق سامرا سے 15 کلو میٹر شمال کی طرف عباسیہ کے مقام پر کئے گئے اس خود کش حملے میں 17 افراد مارے گئے جبکہ زخمیوں کی تعداد کم از کم بھی 13 بتائی گئی ہے۔
