عامر خان نے سپر ویلٹر ویٹ مقابلے میں حریف سیموئیل ورگاس کو شکست دی

برمنگھم ،09 ستمبر (سیاست ڈاٹ کام ) پاکستانی نژاد برطانوی باکسر عامر خان نے سپر ویلٹر ویٹ مقابلے میں پوائنٹس کی بنیاد پر کینیڈین کولمبین حریف سیموئیل ورگاس کو شکست دے دی۔عامر خان اور سیموئیل ورگاس کے درمیان 12 راؤنڈز تک کی فائٹ ہوئی جس میں عامر خان نے شاندار باکسنگ کا مظاہرہ کرتے ہوئے پوائنٹس کی بنیاد پر کامیابی حاصل کی۔یہ باکسر عامر خان کی 37 مقابلوں میں سے 33 ویں فائٹ تھی جو انہوں نے اپنے نام کی۔