محمد انیس فاروقی انیسؔ
ارمان …!!
دل کو ویران کرگئے سارے
زخم دل کے اُبھر گئے سارے
ووٹ جب دوسروں کے حق میں گئے
اُس کے ارمان بکھر گئے سارے
………………………
جنتا بھی ساتھ ہے …!!
قسمت گر مہربان ہو تو جنتا بھی ساتھ ہے
شاہی گر دسترخوان ہو تو جنتا بھی ساتھ ہے
ووٹوں کیلئے نوٹ اُسے دینا ہی پڑے گا
لیڈر کو گر یہ گمان ہو تو جنتا بھی ساتھ ہے
………………………
حسن قادری
مزاحیہ قطعہ
شاپنگ کرائی بیگم کو تو خوش ہو کر
جھٹ دی یہ دعا جنت آشیانہ ہو تیرا
میں نے کہا وہاں مجھے حوریں بھی ملیں گی
سن کر وہ بولی کہ پھر جھنم ٹھکانہ ہو تیرا
………………………
بابو اکیلاؔ (کوہیر)
زندگی…!!
زندگی بوجھ بن گئی یارو
بیوی جب سے گھر میں آگئی یارو
روز کے نخرے اُس کے جھیل جھیل کر
میری حالت چمبو ہوگئی یارو
اُس کی فرمائش سن کر چکرا جاتا ہوں
غم کا بادل بنکر مجھ پر چھا گئی یارو
بات بات پر جھگڑتی ہے وہ
ایک شعلہ بن کر مجھکو جلاگئی یارو
………………………
بہت نزدیک ہوکر بھی …!
٭ ایک اردو کے استاد نے کلاس میں سبق لیتے ہوئے ایک غزل کا شعر سنایا اور بچوں سے اس کی تشریح کرنے کیلئے کہا وہ شعر کچھ یوں تھا ؎
بہت نزدیک ہو کر بھی ، وہ اتنا دور ہے مجھ سے
اشارہ ہو نہیں سکتا ، پکارا جا نہیں سکتا
ایک طالب علم نے کہا کہ شاعر امتحان کے دنوں کا حال بیان کررہا ہے ۔
استاد نے کہا اس کی تشریح کرو ۔
طالب علم نے تشریح کرتے ہوئے کہا : ’’شاعر امتحان دے رہا ہے لیکن کسی طرح بھی اسے نقل کا موقع نہیں مل پا رہا ہے ‘‘۔
ابن القمرین
………………………
کیا کروں …!؟
پہلا دوست (اپنے قریبی دوست سے ) : میری بیوی سارا دن ٹیلیفون پر لگی رہتی ہے اور فون کی ایک گھنٹی بجنے سے پہلے فون جھپٹ کر کان کو لگالیتی ہے ۔ کچھ سمجھ نہیں آرہا ہے کہ یہ عادت کیسے چھڑاؤں …!!
دوسرا دوست : جب وہ کپڑوں پر گرم گرم استری کررہی ہو اُس وقت اُس کے سیل فون پر کال کرو …!!
مظہر قادری۔حیدرآباد
………………………
کہیں مر نہ جاؤ…!!
٭ شوہر نے اپنی بیوی سے کہا : بیگم ! مجھے بار بار ہچکی لگ رہی ہے ، مجھے ڈر ہے کہیں ایسا نہ ہو کہ یہ ہچکی اچانک رُک جائے اور میری موت نہ ہوجائے …!!؟
بیگم (شوہر کو اطمینان دلاتے ہوئے مسکراتے ہوئے کہا ): تم کیوں پریشان ہوتے ہو جی ! ایسا تو کبھی نہیں ہوا ۔ اگر ہو بھی گیا تو میں آپ کا سارا کاروبار پوری ایمانداری کے ساتھ سنبھال لوں گی ۔
سالم جابری۔ آرمور
………………………
کیوں پیچھا کررہا ہے !؟
٭ سڑک پر ایک موٹی عورت جارہی تھی ، ایک چھوٹا بچہ اس کے پیچھے پیچھے چل رہا تھا وہ جہاں جارہی تھی وہ بھی اس کا برابر پیچھا کررہا تھا ۔ عورت کو غصہ آیا اور اُس سے کہا تو میرا اس طرح سے کیوں پیچھا کررہا ہے؟
لڑکا بولا : خالہ جان ، دھوپ بہت تیز ہے ، آپ کے سایہ میں چل رہا ہوں …!!
شعیب علی فیصل ۔ محبوب نگر
………………………
دیسی بھی چلے گی …!!
٭ شادی طئے پارہی تھی لڑکے اور لڑکی کو رونمائی کے لئے لایا گیا ۔ اس موقع پر لڑکے نے انگریزی جھاڑکر اپنا رعب جمانا چاہا ۔ اس نے لڑکی سے پوچھا :
’’انگریزی چلے گی …!؟‘‘
لڑکی نے جواب دیا : ’’اگر پیاز اور نمکین ہو تو ’دیسی ‘بھی چلے گی ‘‘ ۔
نجیب احمد نجیب ۔حیدرآباد
………………………
