حیدرآباد /12 اگست ( سیاست نیوز ) گھٹکیسر کے علاقہ میں ایک خاتون نے اپنے شوہر کی ہراسانی سے تنگ آکر خودکشی کرلی ۔ پولیس گھٹکیسر کے مطابق 29 سالہ سریتا جو گھٹکیسر علاقہ کے ساکن راماکرشنا کی بیوی تھی ۔ اس خاتون نے شوہر اور سسرالی رشتہ داروں کی ہراسانی سے تنگ آکر 7 اگست کے دن نامعلوم زہریلی دوا کا استعمال کرلیا اور علاج کے دوران کل رات فوت ہوگئی ۔ سریتا کو زائد جہیز کیلئے ہراساں و پریشان کیا جارہا تھا ۔ جس نے ذہنی اور جسمانی ہراسانی سے تنگ آکر خودکشی کرلی ۔ پولیس مصروف تحقیقات ہے ۔
