حیدرآباد /11 جون ( سیاست نیوز ) شوہر اور بیٹی کی موت سے دلبرداشتہ ایک خاتون نے خودسوزی کرلی ۔ شاہ میر پیٹ پولیس حدود میں یہ واقعہ پیش آیا ۔ پولیس کے مطابق 25 سالہ لاونیا جو شاہ میرپیٹ علاقہ کے ساکن رامچندر کی بیوی تھی ۔ اس خاتون نے 9 جون کے دن خودسوزی کرلی جو علاج کے دوران کل رات فوت ہوگئی ۔ پولیس کے مطابق لاونیا کا شوہر اور اس کی بیٹی فوت ہونے کے بعد خاتون تنہائی کے سبب ذہنی تناؤ کا شکار ہوگئی تھی جس نے انتہائی اقدام کرلیا ۔ پولیس مصروف تحقیقات ہے ۔
