شمس آباد۔/19جنوری، ( سیاست نیوز) شمس آباد کے محلہ سنجے واڑہ سے ایک ضعیف خاتون لاپتہ ہوگئی۔ شمس آباد آر جی آئی سب انسپکٹر کے سرینواس کے بموجب ایس ستماں زوجہ انتیا 60سالہ ساکن سنجے واڑہ شمس آباد کی گمشدگی کی شکایت اس کے بیٹے راجو نے درج کرائی۔ تفصیلات کے بموجب 17جنوری کی صبح ستماں مکان سے باہر گئی اور واپس نہیں لوٹی۔ ایک دن گذرجانے کے بعد بھی اس کی کوئی اطلاع نہ ملنے پر راجو نے اس کی ماں کی گمشدگی کی شکایت درج کرائی۔ شمس آباد آر جی آئی سب انسپکٹر کے سرینواس نے مقدمہ درج کرتے ہوئے گمشدہ خاتون کی تلاش شروع کردی۔ اگر کسی شخص کی اس خاتون کا پتہ چلے تو وہ فون نمبرات9490617305 ، 9160377625 پر اطلاع دیں۔
