آمنگل 29 جون (سیاست ڈسٹرکٹ نیوز)ویلدنڈہ منڈل کے حیدرآباد سری سیلم شاہراہ پر ایک سڑک حادثہ پیش آیا جس کے نتیجہ میں دو افراد شدید زخمی ہوگئے ۔ تفصیلات کے مطابق جوپلی سے تعلق رکھنے والے ملیش اور بھاگیماں موٹر سیکل پر تانڈور سے جوپلی کی طرف جارہے تھے ۔ حیدرآباد سے سری سیلم جانے والی تیز رفتار کار نے بائک کو ٹکر ماردی جس کے نتیجہ میں ملیش اور بھاگیماں شدید زخمی ہوگئے ۔ انہیںکلوا کرتی کے سرکاری دواخانہ منتقل کیاگیا۔ ایس آئی نوین کمار نے تفصیلات بتائی۔
