حیدرآباد۔/28جولائی، ( سیاست نیوز) کوکٹ پلی اور حیات نگر پولیس حدود میں پیش آئے سڑک حادثات میں 2 افراد ہلاک ہوگئے۔ کوکٹ پلی پولیس کے مطابق 22 سالہ تنویر جو پیشہ سے خانگی ملازم تھا قطب اللہ پور علاقہ کا ساکن بتایا گیا ہے۔ آج صبح کے اوقات میں یہ شخص موٹر سیکل پر جارہا تھا کہ ایک تیز رفتار بے قابو لاری کی زد میں آکر برسر موقع ہلاک ہوگیا۔ حیات نگر پولیس کے مطابق 25 سالہ سریکانت جو پیشہ سے خانگی ملازم تھا حیات نگر علاقہ میں رہتا تھا کل موٹر سیکل پر پیش آئے واقعہ میں یہ شخص شدید زخمی ہوگیا تھا۔ پولیس کے مطابق موٹر سیکل بے قابو ہونے کے سبب حادثہ پیش آیا تھا اور یہ شخص زخمی حالت میں آج فوت ہوگیا۔ پولیس نے مقدمات درج کرلئے ہیں اور مصروف تحقیقات ہے۔
