سولہ سال کی گلوکارہ ناہید افرین کے خلاف 42علماؤں کو فتویٰ

گوہاٹی:عوام کے سامنے مظاہرے سے باز رہنے کا انتباہ دیتے ہوئے تقریباً 42علماؤں نے 16سال کی ناہید افرین کے خلاف فتویٰ جاری کیاہے۔

رپورٹس کے مطابق مجوزہ تقریب جس کاانعقاد 25مارچ کو ہونے والا ہے کہ پیش نظر ناہید کے خلاف یہ فتویٰ جاری کیاگیا ہے۔

ایونٹ کا مقام ایک قبرستان اور مسجد کے درمیان میں ہے ‘ علماء نے مذکورہ پروگرام کے بائیکاٹ کااعلان کیا اور ناہید سے کہاکہ وہ عوامی مقامات پر مظاہرہ روک دے۔

آسام میں منگل کے روز 42علماء کا کتابچہ کی شکل میں جاری کردہ فتوی تقسیم کیاگیا تاکہ عوام کو مذکورہ گلوکارہ کے میوزیکل شو پر امتناع عائد کردیاگیا ہے۔

کتابچہ میں لکھا گیاہے کہ مرکزی آسام کے ہوجائی ضلع میں واقعہ لنکا ٹاؤن جو اوڈلیت گروانڈ کے قریب میں واقعہ ہے اور 25مارچ کو منعقد کیاجانے والی میوزیکل تقریب ’’ شریعت کے خلاف ہے‘‘۔

فتویٰ میں مزیدلکھا ہے کہ ’’ اگر مسجد ‘ عید گاہ‘مدرسہ اور قبرستان کے اطراف واکناف کے میدان میں مخالف شریعت عمل جیسے میوزیکل نائٹ منعقد کی جائے گی تو ہماری نوجوان نسل پر اللہ کا غضب نازل ہوگا‘‘۔

دسویں جماعت کی طالب علم ناہید جو کہ سال 2015ٹی وی ریالٹی شوکے انڈین ائیڈل میں دوسرے نمبر پر تھی کو جب فتوی کے متعلق معلوم ہوا تو وہ حیرا ن ہوگئی ۔

مذکورہ سنگر نے کہاکہ ’’ پہلے مجھے حیرانی اور افسردگی ہوئی ‘ کئی مسلم گلوکاروں نے مجھے حوصلہ دلایا اور کہاکہ میں موسیقی جاری رکھوں‘ ایسا کبھی نہیں ہوگا‘‘۔

ناہید پہلی بالی ووڈ فلم کا گیت سوناکشی سنہا کی فلم اکھیرا کے لئے سال 2016میں گایا تھا