یلاریڈی۔ 28 جون (سیاست ڈسٹرکٹ نیوز) منڈل گندھاری کے علاقہ پتنگل کلاں گرام پنچایت حدود والے علاقہ پتنگل میں دلت خاندانوں کا بائیکاٹ کرنے کی شکایت پر یلاریڈی ڈی ایس پی چندرا شیکھر گوڑ نے تحقیقات کیں۔ موضع کے دلت خاندانوں کو VDC، ارکان (ولیج ڈیولپمنٹ کمیٹی) نے سماجی بائیکاٹ کیا کہ ضلع ایس پی شریمتی شویتا ریڈی سے شکایت کی تھی جس پر DSP نے موضع کا دورہ کرتے ہوئے عوام کے ساتھ اجلاس منعقد کرکے تحقیقات کیں۔ DSP نے بتایا کہ اب تک کسی کے خلاف کوئی کارروائی نہیں کی گئی ہے۔ صرف تحقیقات رپورٹ ضلع ایس پی کو بھیج دی جائے گی۔ اس موقع پر سب انسپکٹر ستیہ نارائنا منڈل، سداشیونگر سرکل انسپکٹر ناگراجو، بی جے پی قائد کشن راؤ اور دیگر موجود تھے۔
سرسلہ کلکٹریٹ کا گھیراؤ ، بی سی طبقہ کے طلباء کیساتھ انصاف کا مطالبہ
گمبھی راؤ پیٹ۔28 جون (سیاست ڈسٹرکٹ نیوز) بی سی طبقہ سے وابستہ طلباء کے ساتھ انصاف کا مطالبہ کرتے ہوئے سرسلہ کلکٹریٹ کا گھیراؤ کیا۔ بی سی طلبا تنظیم کی جانب سے یہاں کئے گئے اس احتجاجی دھرنے میں مختلف مقامات کے بی سی طلباء نے حصہ لیا۔ اس موقع پر بی سی طلباء تنظیم کے صدر کے راوی گوڑ اور ملیال ونئے گوڑ، بی سی طبقہ کے بچوں کو ری ایمبرسمنٹ کے تحت مکمل فیس کی ادائیگی ، 10 ہزار رینک کی شرط کی منسوخی مزید ریاست میں 119 بی سی اقامتی اسکولس کو قائم کرنے، خانگی مدارس میں اور کالجوں میں ان طلباء کو 25% فیس میں رعایت دینے کی مانگ کی۔ اس دھرنے اور کلکٹریٹ کے گھیراؤ کی وجہ کلکٹر آفس کے روبرو ٹریفک کا نظام معطل رہا۔ اس دھرنے میں تنظیم کے قائدین پرکاش، آر رمیش، چندرا کانت، پراوین، سری راملو، ارون گنیش، وینکٹیش وغیرہ موجود تھے۔