ریاض ۔ 28 جون (سیاست ڈاٹ کام) حال ہی میں سعودی عرب میں کئے جانے والے ایک ارضیاتی سروے میں بتایا گیا ہیکہ مملکت کے اندر تیل کے بڑے ذخائر پائے جاتے ہیں۔ خیال ظاہر کیا گیا ہیکہ یہ دنیا میں تیل کے دولت کے سب سے بڑے ذخائر ہیں۔ سعودی عرب کی آئیل کمپنی’آرامکو‘ کے سابق مشیر اور شاہ سعود یونیورسٹی میں ارضیات کے استاد پروفیسر ڈاکٹر عبدالعزیز بن لعبون نے بتایا کہ سعودی عرب کے جنوب میں البطحاء گذرگاہ کے قریب وادی الرمہ اور وادی السھباء کے درمیان تیل کی دولت سے مالا مال اس علاقے کو’بقعہ‘ کہا جاتا ہے۔ یہاں پر خام تیل کے ذخائر سے پتہ چلتا ہیکہ یہ علاقہ تیل کے وسیع ذخائر کے اعتبار سے دنیا کا سب سے زرخیز مقام ہے جہاں تیل کے ذخائر کے حجم کا تخمینہ چار ارب 40 کروڑ بیرل لگایا گیا ہے۔
