حیدرآباد۔ 21؍اکٹوبر (سیاست ڈاٹ کام)۔ سری لنکا کے خلاف 5 ونڈے مقابلوں کی سیریز کے ابتدائی 3 مقابلوں کے لئے ہندوستانی کرکٹ ٹیم کے کپتان مہندر سنگھ دھونی نے آرام کا فیصلہ کیا ہے تاکہ اس وقفہ کے بعد تازہ دم ہوکر وہ دورۂ آسٹریلیا اور پھر ورلڈ کپ کی تیاری میں مصروف ہوجائیں۔ مستقل کپتان دھونی کے غیاب میں ویراٹ کوہلی میزبان ٹیم کی قیادت کریں گے۔ دھونی کے علاوہ بھوبنیشور کمار اور کلدیپ یادو کو بھی ٹیم میں شامل نہیں کیا گیا ہے۔ روی چندرن اشون، وریدھیمان ساہا اور ورون ارون کی واپسی کے علاوہ زخمی اوپنر روہت شرما کی بھی ٹیم میں واپسی ہوئی ہے، جیسا کہ روہت شرما نے انگلینڈ کے دورہ پر ہندوستان کی نمائندگی کرتے ہوئے زخمی ہوئے تھے۔ وریدھیمان ساہا جوکہ انگلینڈ کے دورہ پر ہندوستانی ٹیم کا حصہ ہونے کے علاوہ زخمی ہوئے تھے، انھیں دوبارہ ٹیم میں شامل کیا گیا ہے۔ سری لنکا کے خلاف ابتدائی تین مقابلوں کے لئے شِکھر دھون، اجنکیا رہانے اور روہت شرما اوپنرس کی حیثیت سے شامل کئے گئے ہیں۔
